روايه جديده متكامله جميع الفصول
انت في الصفحة 16 من 16 صفحات
استني انتى قصدك احمد مين
_احمد صاحب اخوكي اللي كان بيديكي في المدرسه دا انا عارفه انو كبير عليكي يلا محصلش نصيب هروح اتصل بيه هقوله هى ملتفته لدراستها
_لا استني يا ماما بالله عليكي انا هعتزل دراسه اصلا ...
انا كنت بهزر معاكى مالك قموصه كدا ...
_يعني
_هوا وهكون لابسه
فريده قعدت تضحك عليها وعلى جنانها
وبليل جه احمد وعيلته وكان في قمة الشياكه..
ونور كانت متوتره دا حب حياتها اللي جاي يتقدم دا!
اتصلت بآليا علشان تطمنها لدرجه انها زهقت منها لانها كل شويه تكلمها تقولها انها متوتره مش متخيله أن دا كان ممكن يحصل كانت مفكره انو المدرس بتاعها بس ...
يحيي ويحيي قعدوا معاهم ونور كانت جوا
احمدانا مبسوط اووي انى قاعد هنا انت مش عارف يا يحيي انا بحبها قد اي
_اها عارف وعارف برضو أنها وغمزله
_بجد يا يحيي
_عيب عليك دي تربيتي...
_يارب يا يحيي...
نور خرجت وهي مكسوفه جدا عوزا الأرض تنشق وتبلعها كان معاها مى..
مىمتهدى يبنتى اشحال بقى مكنتيش بتحبيه
_بس يبت
_متخلنيش اقول قدامهم كلهم انك بتحبيه
_مالك يا نور
_متوتره اووي مش متخيله اللي بيحصل
دا
وصلت عندهم يحيي حس بتوترها قام ووقف جنبها..
وبصلها.
وبيطمنها يعنيه..
جميل جدا أن يكون عندك
اخ بيحبك وسندك وضهرك وبيطمنك بنظره أو كلمه ..حقيقي هوا
دا الاخ الحقيقي
نور هديت شويه واتطمنت..
وبعدين قعدت جنب يحيي ..
_يلا يجماعه نسيبهم لوحدهم
كلهم بالفعل قاموا وقعدوا بعيد عنهم شويه..
_هتفضلي مكسوفه وباصه في الأرض كتير ..
_احم انا انا ..
احمد ضحك ..
_انتى اي انا عارف انك مكسوفه ومش متخيله الموقف ..
بس انا هنا جاي علشان اتجوزك مش جاي ولا اسالك سؤال في الفيزياء..
نور ضحكت وبصتله..
_ايوا كدا يا شيخه
خلي الشمس تطلع ..
_شكرا يا مستر أحمد
_امال اقول اي
_متقوليش انا اللي هقول
بصي يا ستي انا معجب بيكي من زمان من ساعت مكنت بديكي في المدرسه من اول يوم شوفتك فيه وانا معجب بيكي وقلب معايا بحب مع الوقت وعلى فكره اخوكي كان عارف من زمان بس كنت مستني الوقت المناسب علشان اقعد القعده دي ها اي رايك تقبلي تتجوزيني ولا هتقولى عليا اكبر منك بعشر سنين..
_يعني اي موافقه
هزت راسها بأه
احمد فرح جدا ونادى ليحيي ..
وجهم وقراوا الفاتحه ونور كانت مبسوطه جدا وكلهم كانوا مبسوطين...
ونور قربت من يحيي..
_مش ناوي تفرحني بيك بقى
_اها ناوي بس مش دلوقتي
_امال امتى
_في حفلة التخرج
وغمزلها...
نور مكنتش فاهمه كلامه..
وفضلت واقفه تفكر ازاى دا هوا حفلة تخرج مين بالظبط
احمد شافها تايهه عرف أن في حاجه
_في اي
_اصل ..خلاص مفيش يا مستر
_مستر تاني أسمى احمد والله ممكن تنسي بقى اني كانت بدرسلك
_حاضر هحاول
_طيب قولي احمد كدا
_احم احمد
_الله احلى احمد دى ولا اي..
يحىى جه من وراهم ومسك احمد
_لا يحبيبي مفيناش من كدا لما تعوز تعاكسها استأذنى الاول
_لا يشيخ مش هى هتبقى مراتي
_اعقل احسن ارجع في كلامى
_لا خلاص انا لما صدقت..
عدى على اليوم دا حوالى سنه وأحمد ونور قربو من بعض
اكتر وكل لما تسال يحيي مش هفرح بيك يقولها يوم التخرج مش عارفه تخرجها ولا تخرجه ...
فارس دخل ثانوى وحلمه قدامه انو يدخل حربيه ويكون ظابط ومى كانت معاه في المدرسه ...
الاتنين كانوا مع بعض خطوه بخطوه وبيساعدوا بعض في المذاكره..
يحيي الكبير كان مبسوط بوجودهم في حياته ..
كان قاعد مع فريده بيتفرجوا على التليفزيون..
_عوزا اجوز يحيي بقى وافرح بيه
_بتفكري في اللي بفكر فيه
_بس انا عارفه انو مش عاوز دلوقتي
_انا عارف هوا عاوز امتى
_امتى
_لما يتطمن على أخته ..
_بس لسه قدامها خمس سنين
_وانا عارف انو هيستني
_عالاقل اخطبله
_قدامك مين
_اللي قدامك
_طيب قولى
_قول انت الاول
الاتنين في نفس الصوت
_آليا
وضحكوا سوا
_بنت حلال وتستاهل كل خير وعارفه انها بتحبه
_عارفه انا كان نفسي في اي
_اي
_كان نفسي يكونوا دول عيالنا كان نفسي يكون في حته منى جواكى وتكبر قدامى كنت عاوز حاجه تكون رمز لحبنا حتى لو احنا كبار كدا
_بجد يعني انت مش هتزعل من الخبر اللي هقولهولك
_خبر اي
_انا حامل
_بجد..
يحيي اول مسمع الجمله دي وحاله من الضحك والسعاده والفرح والمفاجأه على وشه ..
قرب عليها ..
_الحمد لله يارب حققت امنيتي أن يكون في حته منى جواها جوا البنت اللي حبيتها طول عمري انا انا مش عارف اقول اي انا مبسوط اووي انا بحبك اوووي ...
فريده اول مره تحس بالسعاده دي وتشوف الشخص اللي بتحبه فرحان بيها وبحملها..
افتكرت أن كل مره كانت بتحمل فيها وهي مع حسن مكنتش بتشوف السعاده اللي شايفاها على وش يحيي دلوقتي..
_انت بجد مبسوط يا يحيي يعني انت فرحان انى حامل وجوليا حته منك
_انا مش مبسوط بس انا طاير من الفرحه انا انا مش قادر اوصفلك السعاده اللي انا فيها دي حاجه طول عمري بتمناها مكنتش متخيل انها تتحقق دا كان حلم بالنسبه ليا ...
انا عاوز اطير انا مش عارف اعمل اي ...
وبدأ في ضحك وسعاده هيستيريه اول مره فريده تشوف يحيي كدا حتى أنها خاڤت أن يجراله حاجه من الفرحه ..
قربت منه ..
_اهدى يا حبيبي
خدها في وعيط من كل قلبه ..
احساس جميل اووي انك يجيلك العوض من الشخص اللي بتحبه واللي حاجه اللي محتاجها وبتحلم بيها تيجي من الشخص اللي بتحبه واللي بتتمناه من الدنيا ..
العوض جميل اووي وليه فرحه تانيه ..
فرحه بعياط ودموع مع
زياده شغفك للحاجه دي ...
_انا فعلا مكنتش عاوز حاجه من الدنيا غيرك انا لما صدقت اكون معاكى ..بس كان نفسي في طفل منك يكون على اسمي ...
_انا مكنتش اعرف انك بتحبني اووي كدا
_انتى مش متخيله الحب الي جوايا من ناحيتك ..
_وانا كمان بحبك اوووي فعلا عرفت معنى الحب على ايدك بالفرحه اللي في عينك دي انا النهارده اسعد واحده في الدنيا انا طول عمري مفرحتش بطفل قد ما فرحت بالطفل دا
فعلا دا بيكون من تأثير الشخص اللي معاه...
_قوليلي بسرعه نفسك في اي اي حاجه نفسك فيها هتكون عندك حالا...
_انا مش عوزا حاجه من الدنيا غير وجودك جنبي عوزا اجيب طفل شبهك ...
نور جت عليهم
_الله الله اي اللي انا شايفاه ده...
يحيي بفرحه _تعالى يا نور هقولك على مفاجاه
_اي بسرعه
_ماما حامل ..
_بجد..
وقربت من أمها
_بجد يا ماما بجد هتجبيلي نونو صغنن ..
انا فرحانه اوووي انا هروح اكلم احمد اقولو..
يحيي قرر انو يعمل حفله كبيره وجمع فيها كل اللي يعرفهم وكل اللي قريبين منهم احتفالا بالخبر دا..
يحيي كان مبسوط أن هيكون عنده اخ من عمو يحيي وفارس ومي فرحوا كمان ..
آليا جت وكان في قمه اناقتها..
نور قربت من يحيي.
_بص
_اي
وبص ناحيه عينيها..
وشاف آليا..
وسرح فيها في جمالها الهادى اللي بيخطفه دائما ...
_مش ناوي بقى تفرحني بيك
_مش دلوقتي
_كدا يا يحيي
_انتى عوزا اي
_عوزاك تتجوز آليا
_مين قالك اني هسمع كلامك
_كفايه أن عينيك مليانه حب اجيبلك اي حد يقولك عينيك فيها اي
_نور أعقلي
_طيب ريحني
_استني هعملها مفاجأه
_امتى..
_يوم التخرج
_تخرج مين
_هقولك بعدين
_تاني يا يحيي
_خلاص بقى روحي شوفي احمد بينادى عليكي..
وسابها ومشي...
فريده كانت مبسوطه اووي ومتعلقه في ايد يحىى كأنها بنته وفرحانه فرحة كأن دا اول حمل ليها...
_يحيي
_نعم
_بحبك
_وانا بمۏت فيكي يا ام ادم
_ادم
_اها يا حبيبتي ابننا..
_انا مبسوطه اووي كأنه اول حمل ليا
_انا مبسوط اكتر منك..انا اول مره افرح كدا...
مر حوالى خمس اشهر على الحفله دي ...
وكان يوم الكل مستنيه .
أو كلنا اللي مستنينوا
يوم حفلة التخرج
يحيي دخل على نور
_نور
_نعم..
_عاوز اقولك حاجه ومفاجاه في نفس الوقت
_اي ..
_النهارده يوم التخرج
_بجد يعني انت كان قصدك عاليوم دا ..
_ايوا بالظبط بصي بقى...
وحكالها على كل اللي هتعمله..
_دلوقتي انا هروح الحفله وانتى ظبطي الدنيا هنا وكمان انا قايل لماما وعمو يحيي وباباها ومامتها عارفين كل حاجه..
وخدى الفستان دا خليها تلبسه
_ماشي
انا لو بعرف ازغرط كنت زغرط
_ههههههه ماشي يا اختى...
ويحيي مشي..
ونور اتصلت بآليا وقالتلها تجيلها
ونور ظبطت الدنيا ...
يحيي راح الحفله ...
وكان مبسوط جدا النهارده أحلامه هتتحقق خلاص هيكمل حياته مع الانسانه اللي حبها طول عمره ...
أصحابه جهم عليه
_اخيرا شوفناك يا عم يحيي
_اعمل اي الشغل واخد كل وقتي ..
_طيب وهتشغلنا ولا هتخلى بينا
_عيب عليكوا مكانكوا محفوظ..
المهم انا
عاوز مساعدتكوا
وحكالهم عاللي عاوز يعمله...
وهم قرروا يساعدوه...
الحفله بدأت والكل اتجمع...
وعيله يحيي جهم ونور وآليا وأحمد وعيلة آليا كمان...
العميد بدأ ينادي الاسماء ..
الاول على الدفعه
والحاصل على تقدير عام امتياز..
يحيي حسن الشربيني...
يحيي اتفاجئ مكنش يتخيل أنه ياخد المستوي دا..
وطلع على البنج..
وخد الشهاده بتاعته..
مبروك عليك لقب الدكتور شرف لينا انك تكون معانا في هيئه التدريس...
_شرف ليا اكتر..
ووقف يقول كلمه..
انا مبسوط جدا النهارده على اللي انا وصلتله دا بعد مشوار طويل ربنا حققلى كل احلامى وناقص حلم واحد انا اعمل المستشفى اللي بحلم بيها واللي هيمسكها أن شاء الله اختى ومراتى المستقبليه..
كلهم بصولو بفرحه..
واصحابه سقفوا جامد وهوا نزل من على البنج..
وقرب منها..
_هتقبلي تكونى زوجتى المستقبليه..
بصتله وعينيها بتلمع والضحكه على وشها ومكسوفه وبصت لنور وابوها هز رأسه باه...
هزت راسها بأه وهى مكسوفه جدا ..
مسك أيدها ولبسها الخاتم..
وفريده من فرحتها زغرطت..
_مبروك عليكي انا يا زوجتى المستقبليه..
وانتهت الحفله باحتفال كبير وفرحه ليحيي واليا اللي الاتنين كان الحب باين في عينيهم...
بعد اربع اشهر كمان..
فريده صحيت من النوم برغم كل الصعاب اللي قابلتها في الحمل دا بسبب السكر اللي عندها
الا انها كانت مستحمله لاخر نفس ...
_يحيي يحيي الحقني..
_اي في اي
_اااه بولد الحقني...
يحيي قام مڤزوع وشالها وخدها على المستشفى..
وكلهم راحوا وراه..
فريده مع كل صرخه منها كان يحيي قلبه بيتقطع كان خاېف عليها جدا ...
ورغم أن الولاده بتاعتها كانت صعبه إلا أن صوت عياط الطفل اللي خرج من اوضه العمليات ريح قلوب كتير وخلى وشوشهم كلهم مسترخيه
وسعيده...
الممرضه خرجت ..
وهي فرحانه وشايله الطفل. اللي خد كل حاجه من أبوه..
_الف مبروك جالكوا ولد زي القمر..
_وفريده عامله اي
_شويه وهتخرج هي كويسه..
الحمد لله...
احمد قرب على نور
_عقبالنا
_ان شاء الله
_لا قريب ..وغمزلها...
يحيي قرب من آليا
_عقبالنا بقى احنا كمان
_ان شاء الله
_قريب..
وغمزلها برضو..
وفريده خرجت من المستشفى والكل كان فرحان بالمولود وعملولو سبوع كبير حاجه مبتحصلش كتير أن واحده في سنها تخلف ...
بعد سنتين ...
فارس ومي خلصوا الثانوي..
وفارس دخل حربيه ومى دخلت طب ..
وجه
اليوم اللي كلنا مستنينوا..
فرح
احمد نور
يحيي
آليا
قرروا
انهم يعملوا الفرح في يوم واحد..
كانو الاتنين متألقين بالفستان الابيض ...
ويحيي وأحمد كانوا قمه في الجاذبيه بالبدله السمرا ..
وكان يوم كل تفاصيله حلوة..
وخدوا صورة جميله بتجمعهم كلهم كعيله بعد مكانوا جهم اسكندريه لوحدهم عملوا عيله كبيره وكلهم موجودين في صورة واحده ..
الصوره بتجمع قلوب بتحب بعض مفيش كره ولا حقد قد
اي العوض والنصيب بتقدير وحكمة ربنا جميل اوووي وكمان بالرضا بالمقسوم والنصيب ..
وكفايه أن كل دا يوصلك..
انك تكون وسط ناس بالضحكه الصافيه دي ..
الروايه خلصت..
