روايه غرام وبدر كامله حتي الفصل الأخير
بارتباك ليه هو قلك حاجه يعني انا مش عارف بتسألي ليه
سحر بصت قدامها وقالت بحزن شديد خلاص يا عصام مش مهم انا فهمت كل حاجه
بعد شويه صغيرين وصلت بيتها ونزلت وقالت شكرا يا عصام واه قول لصاحبك اني مش هخلي بابا يلغي العقود معاه تاني فمفيش داعي يجي يضحك عليا بكلمتين شغلو هيفضل ماشي وربنا يوفقو ومشيت بسرعه وعصام كان باصص لطيفها بحزن شديد
في القصر كان بدر رايح جاي پغضب بيحاول يهدى قبل ما يدخل عند غرام حاسس انو هيتجنن من الغيظ من حركاتها اخد نفس وحاول يكون هادي ودخل لقاها نايمه على السرير بهدوء
بدر وقف قدامها وقال بعصبيه قومي يا هانم مفيش داعي للتمثيل عارف انك صاحيه
غرام قعدت وبصتلو پحده وقالت پغضب اللهم طولك يا روح عايز ايه
بدر ابتسم بسخريه وقال اممم دلوقتي عايز ايه ومسدره الوش الخشب ومش طيقالي كلمه ومن شويه يا حبيبي يا عمري وبتسرحي بالبنت اهي طفشت ارتاحي
غرام بصتلو بقرف وقالت وايه الي يريحني في ان حببت القلب تطفش ولا ټموت حتى اوكنش بغير عليك وانا مش واخده بالي ما ان شاله ټولعو انتو التنين
بدر مسكها من دراعها پغضب وقال ولما انتي مش بتغيري ومش هامك انا او هيه عملتي الفيلم ده ليه ها
غرام نفضت ايده پغضب وقالت انا مش عامله افلام انا قولت الحقيقه
بدر قال بعصبيه بت انتي اتعدلي وردي كويس وشدها بقوه وقال وبعدين يا حلوه لو نفسك تبقي حامل قولي دي ساهله
غرام فكت ايده بصعوبه وقالت پحده اولا جسمي ده لو هحرقه مش هتلمسو المۏت اهون عليا من ان ايدك الۏسخه دي تلمسني ثانيا بقى انا قولت كده علشانك علشان محدش يبصلك بصه مش تمام الحق عليا
بدر بصلها بضيق وقال اممم علشاني ودا الي هو ازاي بقى
غرام بصتلو باستفزاز وقالت زي ما سمعت يعني هو عادي لما الناس تعرف ان مراتك حامل من غيرك
بدر ضغط على دراعها بقوه وقال بعصبيه يا غرام متختبريش صبري احسنلك
غرام بصتلو بتحدي وقالت انا بقول الحقيقه وبس انا حامل فعلا بس مش منك من جوزي حامل من عماد
بدر برق پصدمه واتحولت ملامحو لڠضب اعمى ووووو
غرام حاولت تفك ايده بس من غير فايده قالت پخنقه شديده سبني يا غبي هموووووت
بقلمي زهرة الربيع
بدر سابها وغرام قعدت على الارض وبقت تكح ومسكا رقبتها مكان ايده وبدر كان باصص لها پغضب وضامم اديه بعصبيه شديده قال اخر مره هحذرك يا غرام متختبريش صبري عليكي وسيرة اي راجل غيري متجيش على لسانك وقال بزعيق فاهمه
غرام اتخضت من صوتو وبدر خد هدوم و اتوجه نا حية الحمام بعصبيه بس وقف مكانو بزهول لما قالت بصوت ضعييف مجبش سيرة راجل غيرك دا على اساس انك حاسب نفسك راجل يعني
غرام نزلت دموعها پألم وبقت تبكي بصوت مش مسموع حاولت تهدي وقامت ببطأ وراحت تنام بعد شويه بدر طلع لقاها نايمه وضامه رجليها ودموعها على خدها
قرب ايده عايز يمسح دموعها بس بعد ايده واتنهد بضيق وراح نام على الكنبه بحزن شديد
في اليوم التاني بدر قام من النوم بيبص على السرير ملقاش غرام قام بخضه وطلع من الاوضه
ولسه هينزل يدور عليها سمعها بتتكلم وتضحك مع والدتو اتنهد براحه ودخل الاوضه تاني خد دش ونزل
بدر اول ما نزل شاف غرام قاعده مع مامتو فضل سارح في ملامحها البريئه ضحكتها الجميله وشعرها المموج الطويل نازل منو خصلات على عيونها الخضره فضل مركذ في كل تفصيله فيها وغرام شافتو وهو باصص لها بصتلو بقرف شديد
وودت وشها بعيد عنو
بدر ابتسم وهز راسو بيأس وقال بهدوء صباح الخير يا ماما
صفاء بصتلو وقالت بحب صباح العسل يا حبيبي عصام مستنيك من بدري في الجنينه ناديلو وتعالو اقعدو معانا شويه والفطار يكون جاهز
بدر بص لغرام الي كانت موديه وشها بعيد عنو وقال لا انا هاخد قهوه في الجنينه مش قادر افطر هنفطر انا وعصام في الشركه وخرج من القصر
عصام قام و سلم على بدر وقال نموسيتك كحلي يا باشا كل ده نوم
بدر بسخريه هيه كحلي بشكل
عصام ضحك وقال غرام تاني ولا ايه
بدر اتنهد وقال هيه سحر مقلتلكش الي حصل
عصام اتنهد بحزن وقال مقالتش حاجه غير انها مش عيزاك ترحلها تاني وقلتلي شغلك هيفضل ماشي فمفيش داعي تروح تصالحها
بدر اتنرفز وقال البت دي هبله ولا ايه هو انا حاليا محتاج لشغلهم اصلا دا ايه الغباء دا هو انا ناقص اغبيه في حياتي اكتر من كده
عصام قال لما انت مش محتاج الشغل معاهم امال ايه
الحكايه بتحبها مثلا
بدر اتنهد بضيق وقال مش عارف يا عصام مش عارف انا بس مش قادر ابعد ولا قادر اقرب حتى سحر بتفهمني اوي يا عصام بتفهمني اكتر من امي واكتر من نفسي كمان بتعرف امتا محتاج اتكلم وامتى محتاج ارتاح بتعرف حزني وفرحي بتهتم باقل تفاصيل حياتي بتعرف الي عايزه قبل ما قولو لما بكون معاها بحس اني مش محتاج اشرح اي حاجه بحس بدعم كبير لما بتكون معايا
عصام بصلو بحزن وقال بس هيه مچروحه اوي يا بدر وكل الي انت بتقولو ده ملوش غير تفسير واحد ان علاقتك بيها مش بتتعدى حدود الصداقه او انك متعود عليها مش اكتر ودي اننانيه يابدر لما اتكون هيه بتجاهد علشان تريحك وانت پتجرحها بالطريقه دي على فكره هيه حاسه انك يعني احم يعني
بدر قاطعو بسخريه وقال بحب غرام مش كده اصلا هيه قالتلي كده قبل ما تمشي بس الي مش راضيه تستوعبو ان انا وغرام مفيش اي طريق ممكن نمشيه سوا الموضوع مستحيل عندك امبارح مثلا قالت قدام الكل انا حامل في تلت شهور من قبل ما ادخل المصحه
عصام بدهشه حامل حامل ازاي
بدر بغيظ شديد انا قولت زيك كده وحلفت لسحر اني ملمستهاش مفيش فايده وسحر سابت البيت وهيه بقى قالت ايه دا مش ابنك وانها حامل من الزفت عماد كانت هتجبلي جلطه كنت ھخنقها وارتاح
عصام ضحك بشده وقال يخربيت دماغها دي مستحيل تكون مجنونه دي دماغ متكلفه يا بني
بدر بضيق شوفت الي انا فيه يعني حامل وفي تلت شهور كمان تلت شهور في مصحه عقليه بتعمل كل اسبوع تحالييل كامله وكلها معايا حفظتهم من كتر ما قرتهم وانا بتابع حالتها وهيه تقولي حامل تفكير يعني من الاخر بتتفنن في مضايقتي والهبله التانيه صدقتها
عصام بحزن الهبله التانيه مش مشكلتها الحمل هيه فاكره انك بتحبها و
عصام كان هيكمل بس شافو عامل توصيل بيسأل على غرام
بدر وعصام اتقدمو عليه وغرام طلعتلو واخدت البوكس الي في ايده بسرعه وقالت شكرا ومضت على الايصال
بدر بصلها وقال ايه الي في ايدك ده
بقلمي زهرة الربيع
غرام بقرف وانت مال اهلك اصلا بس على العموم علشان يرتاح فضولك حاجه بتاعت بنات تحب اعدهالك ولسه هتكمل بدر حط ايده على بقها وقال لعامل التوصيل شكرا اتفضل انت الراجل مشي وهو دخل غرام جوه القصر وهيه بتحاول تفك ايده من على بقها
بدر سابها وهي قالت على طول انت ازاي تمسكني كده انت غبي ولا حم ار ولا حكايتك ايه
بدر بصلها بصه مرعبه وقال اطلعي اوضتك يا غرام وزعق جامد اطلعي بقولك
غرام طلعت بعصبيه شديده وبدر حس انو مخڼوق خد عصام وطلعو على الشركه
غرام اول ما طلعت قفلت الباب بغل وقعدت على الارض وهي بتبص للبوكس الي في ايدها پغضب وبتمر كل ذكريات الشهور الي فاتت قدامها كأنها لسه عيشاها نزلت دموعها پألم شديد وافتكرت ازاي كانت عايشه وازاي وصل بيها الحال للي بتعيشه دلوقتي
فلاش باك
غرام نزلت السلم وهيه فرحانه جدا لقت بدر وبباه قاعدين بيتكلمو قالت بابتسامه مساء الخير يا حوده يا قمر
محمود بضحك يا بت قوليلي يا عمي دي صفاء مبتقوليش يا حوده
غرام قعدت عل طرف الكرسي بتاعو وقالت بمرح بدلعك يا حوده يعني يبقى لا صفاء ولا انا مين هيدلعك يعني بدر مثلا
بدر بصلها بابتسامه وقال امممم وانتي بتعوضيه يعني
غرام بضحك طبعا مش عمي حبيبي
محمود بشك ادخلي على طول في الموضوع عايزه ايه اولا الفرحه دي كلها ليه ومش عوايدك تصحي بدري
اصلاا
غرام بضحك ايوه كده يافهمني بقولك كده بصراحه يا
عمو احم فيه واحد بيحبني من فتره كده وكملت بكسوف وانا كمان الصراحه يعني بحبو وعايز يجي يطلبني من حضرتك قولت ايه
بدر برق من شده الصدمه وبصلها بزهول وبقى مش شايف قدامو من الڠضب
ومحمود بلع ريقه بتوتر كبير وحاول يتمالك نفسو غرام بصت لهم باستغراب لما شافت ملامحهم المتغيره وقالت فيه حاجه يا جماعه انا
قولت حاجه غلط
بدر اتقدم عليها بطريقه ټرعب بس ابوه قال بيحاول يهدي الوضع تمام يا غرام يا بنتي انا هقابلو ان شاء الله والي فيه الخير يقدمو ربنا
بدر بص لابوه پغضب شديد ورجع بصلها پحده وقال مش هنقابل حد والجوازه دي على چثتي انتي فاهمه
بقلمي زهرة الربيع
غرام استغربت اكتر وقالت لا مش فاهمه ليه يعني ده انسان كويس جدا وبيحبني وناجح جدا و
بس قاطعها بدر پغضب شديد وزعق وقال قولت لا يعني لا وحاول يهدى وقال انتي هتتجوزيني انا فهمتي كده ولا ايه
غرام برقت بزهول وقال اتجوز مين انت ههه بتهزر مش كده
بدر بحزم لا بتكلم بجد والموضوع خارج النقاش كمان
غرام بصتلو بعصبيه وقالت پغضب تبقى اټجننت اتجوزك ازاي انت الي مربيني انا عمري ما شوفتك اكتر من اخويا الكبير اكيد دا مقلب طب طب وسحر انت مش خاطب سحر
بدر بهدوء اولا انا مش اخوكي انا ابن عمك واجوزلك ثانيا سحر دي بزنس مش اكتر واول ما الصفقه تتم نبقى نشوف موضوعها
غرام اټصدمت من كلامو قالت بزهول شديد انت بتقول ايه انت بتضحك عليها لا ده انت اټجننت رسمي وخدت نفس وقالت بص يا بدر انا بحترمك متخلنيش اعمل حاجه من وراك انا بحب عماد وهتجوزو فهمت ولا لا
بدر بصلها بتحدي وقال تؤ مفهمتش وانتي كمان شكلك مفهمتيش احنا هنتجوز ودا اخر كلام وكتب الكتاب بعد بكره الي عندي قولتو وطلع من القصر وسابها واقفه مكانها
