جوزي خلاني اكل من طبق
اعملي حسابك النهارده اهلي جاين اعملي حسابك بقا
هيام
ايه جاين امتي قصدي ازاي النهارده انت ماقولتليش ليه من قبلها طيب علشان اعمل حسابي
هشام بجمود
اهو اللي حصل بقا المهم روحي ظبطي الدنيا لان زمانهم جاين فالطريق
هيام
طيب مين بالظبط اللي جاين علشان ألحق اعملهم اي حاجه
هشام
جايه أمي ورشا أختي وابنها
هيام
كمان
هشام پحده
عندك اعتراض عندك مانع حضرتك ولا اييييه
هيام
لا ابدااا
هشام
طيب روحي شوفي وراكي ايه بسررعه
مشيت هيام حاولت تظبط اي حاجه كدا عبال مايجو الضيوف وفعلا مكملتش وكان باب البيت خبط ودخل أهل هشام وراحت هيام ترحب بيهم..
ازيك ياطنط نورتنا والله اتفضلو اتفضلو ادخلي يارشا
هشام
ادخلي انتي المطبخ ياهيام شوفي وراكي ايه عبال مااستقبلهم
هيام
استغربت من تصرف هشام اللي اتغير معاها في خلال السنه اللي فاتت وقالت
حاضر داخله
ومشيت هيام وسابتهم
هشام
معلش ياماما انا دخلتها جوه علشان من ساعة ماهي عرفت انها مش بتخلف وهي اعصبها تعبانه اوووي فامحبتش اقول كدا قدمها
نشوي
ياحبيبي يابني طب وليه مستحمل كل الايام دي وقاعد معاها طيب ماتتجوز عليها طيب اناوعايزه افرح بيك وبعيالك بقا ياهشام
رشا
ماما معاها حق انت لو بتحب هيام اووي خليها متطلقهاش اتجوز عليها واحده تاني وهي اكيد هتقدر ده اووي والمفروض هي اللي تقولك وتطلب منك كدا
والله ياجماعه انا مش بفكر في الموضوع ده وبعدين زي ماقولتلكم هي حالتها صعبه فامش هتستحمل اني اجي كمان اقولها جواز وانتي زي ماانتو شايفين اني مستحمل قد ايه
وجات فالوقت ده هيام وهي شايله صنية العصير وقالت
هيام
معلش ياجماعه اتأخرت عليكم اتفضلو العصير ومعلش اكبر كبايه هياخدها معاز الصغنن القمر ده
وقدمت عليه العصير ولعبت في شعره بطريقه مرحه
معاز
مرسيه ياطنط هيام
هيام
يالوحي علي طنط دي اللي طالعه منك زي السكر قام تعالي اديني حضڼ تعالي تعالي
معاز
جري عليها وقعد في حضنها وقال
انا بحبك ياطنط هيام
طب والله هكلك علي طعامتك دي صدقني اول مااخلف هجيب ولد واسميه علي اسمك
هيام اټصدمت بعد اللي قالته وبصت علي ملامح هشام اللي بص عليها بكل عصبيه وكانت هتصحح بس سبقتها نشوي وقالت
نشوي
حبيبتي معلش دي ارادت ربنا واكيد ربنا مش بيجيب حاجه وحشه ابدا واكيد ليه حكمه في اينك متخلفيش فامتزعليش
رشا
ايوه طبعا ماما عندها حق متزعلش نفسك هو يعني انا عندي حل للمشكله دي
هيام پصدمه
انا ومشكله انا حسه مش فاهمه حاجه
رشا
هيام
بعد ازنكم طيب ياجماعه انا محتاجه هشام في كلمتنين كدا
بصت لهشام وقالت...
قوم ياهشام عيزاك
هشام
نعم افندم ياست هيام ياريت يكون الموضوع مستاهل اللي خلتيني اسيب امي واختي علشانه
هيام
انت بجد قايلهم
وفهمهم كمان المشكله عندي انااااا
هشام ببردو
اومال كنتي عيزاني اقولهم المشكله عندي انا حضرتك ولا ايه
هيام پحده
ايوه ايه اللي فيها مش هي دي الحقيقه انو المشكله عندك وبدال ماهما قاعدين بره كدا يقطمو فيا ويدوني كمان في حلول وانت جاي بكل بردو تقولي اه
