اجيب الحاجه اللى انتى عوزاها
فى حاجه تانى
بسمهلا شكرا
قام حازم يرجع لغرفته
بسمهانا اسفه يا حازم انا عارفه انى اربكت ليك حياتك بس بجد ڠصب عنى وانت ما تعرفش وقفتك جنبي ورجولتك معايا مخلياني شيفاك ومقدراك ازاى وانا لو فى اي حاجه اقدر اعملها ليك هتريحك هعملها حتى لو همشي من هنا واقعد فى الشارع همشي
حازممافيش حاجه يا بسمه ما تسغليش بالك بكره الأمور تتصلح وبعدين انتى ذنبك ايه انتى كمان الظروف اللى بتعشيها دى مالكيش فيها ذنب ربنا يعينك على بكره
بسمه طب ده مفتاح الدرج اللى فيه الحاجه المهمه اللى عوزاك تجبها
حازمبس على الله ما يكونوش كسروه واخدوا الحاجه اللى فيه
بسمهليه مش مكافيهم اللى اخدوا
تانى يوم راح حازم بعد الشغل وقعد مع الناس وطلب منهم يدخل ياخد حاجتها اللى غرفتها وبعد ما سمحوا له بأنه يدخل ياخد حاجتها وجد الحاجه زى ما بسمه قالت ليه وكمان وجد العقد اللى كان مكتوب بالشقه بجانب الحاجه فوضعه فى جيبه وخرج ليهم وقال ليهم واضح اوى انكم ولاد أصول وده باين من انكم سايبين كل حاجه زي ماهي ومادخلتوش غرفت البنا
واحد منهم احنا صحيح اخدنا حقنا بأسلوب همجى بس دا عشان حقنا إنما احنا مش حراميه عشان ناخد حاجه مش ملكنا وياريت تبعت سياره تاخد فيها باقي حاجتكم عشان عاوزين نسلم المكان للى هيشتريه
حازمطب وحق البنت الغلبانه دى هيروح هدر كده
انتوا مش لسه بتقولوا احنا مش حراميه بس اخوكم سرقها وانتوا مطالبين برد حقها ده منه لانه اخوكم
وقبل ما تقولوا ما لناش دعوه باخونا ان من رأى تخلصوا الموضوع معاها افضل وتدوها حقها بدل الشوشره على المكان ويتوقف حاله تماما وندخل فى قضايه ومشاكل والمشتري ياخد علم فيتراجع عن الشراء ويتوقف حال المكان تماما صحيح انا ماليش دعوه هتبعوه ازاى واخوكم مش موجود بس مجرد ما الشاري يوصل له ان فى مشاكل على المكان هيخاف على فلوسه
واحد منهم خلاص تمام واحنا كده كده هناخد حقنا من البيع وهنديها حق اخونا اللى باع ليها دا
