روايه البعاد بقلم مكتمله جميع الفصول بقلم فاطيمه يوسف
هو بيهددها لكن هو طمنها انه هيبقى بخير وما تقلقش
طبعا اللي مستنيين ماجد شافوه خارج وفضلوا ماشيين وراه لحد ما لقوا مكان هادي واعترضوا طريقه كانوا حوالي تلاته بادي جارد
ماجد كان حاسس بيهم اصلا وهما بيراقبوه واول ما اعترضوا طريقه ووقفوا قدامه وجم يتقدموا عليه لسه هيقولوا له انزل
بسرعه خبط واحد بباب العربيه خبطه جامده وقع على الارض والتاني مسك قزازه البرفان بنفس السرعه ورشها في عينيه ودلوقتي يقدر يستعد ويواجه التالت بسرعه برده هو اصلا مهارته البدنيه عاليه جدا
وقد كان قدر عليه بحركات متدرب عليها كويس جدا وقبل التلاته ما يفوقوا ساق عربيته وطار بسرعه البرق بس قبل ما يمشي صورهم وهم متكومين على الأرض وبعت الصوره لعاليا واللي اول ما شافتها فضلت مېتة على نفسها من الضحك واتصلت عليه
ضحك على كلامها جدا وقال لها بشقاوة
_عيب عليكي ده انا مش معايا الحزام الأسود ده انا معايا الحزام الناسف انا اصلا من بعد ما كلمتيني وانا شايفهم وهم ماشيين ورايا وعرفت عددهم وكنت مخطط هتعمل معاهم ازاي كويس جدا واول ما اعترضوا طريقي كل واحد خد نصيبه
بس بصراحه طرت قبل ما يفوقوا عليا الكترة تغلب الشجاعة بردوا بس قبل ما امشي ضړبت لهم سيخ حديد في كاوتش العربيه علشان ما يعرفوش يحصلوني تاني وده كله برده كنت مخطط له ايه رايك بقى في تخطيط ميجو اعجب برده
_ ده انت طلعت معلم واحنا منك نتعلم جهز نفسك علشان زيدان مش هيسكت علي إللي أنت عملته وهيبعت لك جيش المره الجايه انا قلت احذرك زيدان مش سهل خالص.
اتنهد بغلب من كلامها ورد عليها
_والله يا بنت خالي العزيزه العمر واحد والرب واحد واللي ډبرها المره اللي فاتت هيدبرها المرات الجايه ما تقلقيش عمر الشقي بقى وبعدين زيدان كان عايز قرصه ودن ليا هو ولا له في القټل ولا الټدمير للي حواليه انا عارفه كويس جدا اجمدي إنتي بس عشان نكمل خطتنا واوعدك اني هجيبه لك طالب الرضا من عاليا الغاليه .
وقفلت معاه وبعتت لزيدان صورة اسكرين وكتبت تحتها
_ شفت إني مش بعرف رجالة ورق يازيزو وإني عاليا أوي وغاليه عند ميجو خطيبي وحبيبي وإللي هيبقي جوزي أهو واحد كوم لك التلاته أسد الله اكبر عليه
وكملت وهي بتستفزه علشان مايعملش كدة تاني علشان ماجد ميستاهلش الأذية بسببها ولا بسبب تهور زيدان وغيرته العامية
_ المرة الجاية ابقي ابعت له جيش علشان تقدر عليه مانت مش هتجيبه من برة وهتفضل كده جبان پتخاف تواجه بنفسك في المعركة وتبعت ناس يعملوا إللي أنت متقدرش عليه .
مش هتسيبك بقي من اللعبه الفارغة المكشوفة دي ولا ايه ياست هانم
كانت بتستمع لكلامه وغضبه وهي بتلعب في شعرها ومستمتعه بكدة لأبعد درجه وردت عليه بكلام استفزه أكتر
_ ههههههههه شفت المثل إللي بيقول جيت أكيد الناس كدت أنا نفسي هههههاها اهو ينطبق عليك يازيزو
.
_ عاليا والله العظيم إن مابطلتي طريقتك المستفزة دي معايا لا هاجي أطربق الدنيا دي علي دماغك ...... قال لها
