روايه رومانسيه رائعه مكتمله جميع الفصول
لما جيت انا نفسي اساعدكم باي طريقه بس انتي عندك حق لازم انتو الاتنين تحلو مشاكلكم لوحدكم ومش هعرف ادم ان انا عارفه حاجه وعدي الوقت وبالليل جه ادم وشافته راندا تعبان جدا بس بيكابر واتعشوا مع بعض مع جو من التوتر مسيطر علي الكل ادم كان بيتكلم معاهم بس مش مركز في اي شئ بيقوله وكان باين انه جرحه بيألمه
ادم لما اجي افك الغرز هبقي اروحله وغير كده لأ
ومحدش اتجرأ يسأله تاني او يكلمه
راندا امل ما تقضي معانا بكره هو محمود هيمانع
امل بصت لادم وهيا بترد
امل لأ محمود مش هيمانع
ادم انت مرحب بيكي هنا في اي وقت ده بيتك وانتي عارفه ده كويس خلصت
ادم راندا بصيلي
خلصت السهره ودخلوا للنوم .راندا دخلت ووراها ادم وحست بنظراته مع انها مدياله ظهرها
ادم راندا بصيلي
راندا ليه انت قلت كل اللي ممكن يتقال انا هنا لغرض واحد مش كده
ادم ده كان صح في وقت من الاوقات بس دلوقتي لأ
ادم انا عايز نبدأ من جديد
بصتله وسألته
راندا نبدأ ايه بالظبط
ادم كل حاجه. انا عارف اني ما عملتش حاجه تخليكي تثقي فيا بس انا محتاجلك قوي يا حبيبتي
مخدتش راندا بالها ان ادم قال حبيبتي
رنداالثقه دي لازم تكون متبادله من كام ساعه كنت بتتهمني اني علي علاقه براجل تاني
ادم كنت ھموت من الغيره مجرد تفكيري انك قاعده مع راجل تاني جننيني. راندا انا صحيح رتبت لجوازنا علشان اصلح الغلط اللي ارتكبته في حقك بس ده جزء من السبب الاساسي لجوازي منك اناعمري ما لقيت واحده احبها بعمق لدرجه اني فقدت الامل اني الاقيها
راندا بس انت كنت عايز تتجوز سالي
ادم اكتشفت فجأه اني لو عايز اخلف واشوف ابني وهو بيكبر يبقي لازم اتجوز دلوقتي وكانت سالي انسب اختيار متاح ولما قالتلي انها مش عايزه تخلف تراجعت في عرضي
راندا بس هيا قالتلي انها هيا اللي رفضتك وانت اكدت كلامها
ادم كنت مديونلها بده علي الاقل . حفظ لكرامتها مش اكتر
ادم هتصدقيني لو قلتلك انهااختك هيا اللي قالتلي علي الفكره دي .
هيا كانت شايفه نفسها مرشحه هايله ووافقت علي طول
وبعد كده انسحبت وانتي جيتي ... والحب مكنش في بالي نهائي
رندا حست بدفئ بينتشر جواها
راندا وليه ماقلتليش الكلام ده قبل كده
ادم كبرياء مع شويه غباء مع حبه عند. ما كنتش عارف سكوتي بيكلفني اد ايه لحد النهاره لما سيبتك بعد الظهر
ادم انا عارف اني ممكن اخليكي تتجاوبي معايا جسماني بس انا عايز اكتر من كده ..عايزك تنسي كل اللي فات وتسامحيني وممكن كمان تحاولي تحبيني ممكن
راندا تغير الافكار بياخد وقت يا ادم .بس انت بجد بتقول انك بتحبني
ادم وهو ده صعب تصدقيه
راندا ايوه طبعا صعب وبعدين انا حاسه انك ما تعرفش يعني ايه حب
ادم فعلا. اونتي كمان متعرفيش يبقي نتعلم مع بعض...... راندا انتي فعلا بتكرهيني للحد ده
هزت راندا راسها
راندا انا مش عارفه انا حاسه بايه ومش عارفه احساسي ناحيتك اسميه ايه بالظبط
ادم طب خليني اساعدك
قرب منها وووووو
ادم اسف ده مش هيساعد ده هيخلبط الامور اكتر انا عايزك تاخدي قرارك من غير ضغط مني الليله هسيبك تنامي لوحدك وتفكري براحتك وانا هعيش علي الامل
ابتسملها وسابها ومشي وهيا كانت عايزه حبه بس لازم تتأكد لانها جنبه مبتعرفش تفكر
هو عايز اكتر من التجاوب الجسماني وهيا مش عارفه هتقدر تديله اكتر ولا لأ
مقدرتش تنام وحاولت تعرف يعني ايه حب وفجأه عرفت الاجابه
الثقه .ادم تجاهل كبرياؤه وصارحها بحبه مش ده كفايه
صحيت راندا الصبح وعرفت ان ادم راح شغله وقامت من سريرها واول ما قامت حست بدوخه وجريت بسرعه علي الحمام
يا تري ممكن لا مش معني انها داخت مره او رجعت انها حامل واتوترت ممكن يكون جواها ابن لادم
نزلت واتقابلت مع صحبتها امل وفطروا مع بعض واكلت بسيط جدا
راندا نمت كويس امبارح
امل لأ اخدت طول الليل افكر فيكم
راندا ما تقلقيش علينا احنا هنبقي كويسين
حست راندا بالثقه وهيا بتتكلم ادم بيحبها عايزه ايه تاني
امل اتصالحتم ادم محتاجلك يا راندا محتجالك فوق ما تتخيلي .المهم اتصلت بمحمود وقولتله هقضي اليوم معاكي
هنعمل ايه بقي
راندا تعالي ننزل البلد .بس بعربيتك انا معنديش رخصه
امل ادم
لازم يتصرف في الموضوع ده
حست راندا انها مبسوطه جدا لما تخرج هتشتري اختبار
للحمل وتتأكد وبالليل هيا وادم هيكونوا مع بعض
بس المره دي هتكون مختلفه لانها ليله حب
خرجوا واتمشوا واستأذنتها امل علشان تسلم علي واحده صاحبتها فاستغلت راندا الفرصه وراحت تشتري الاختبار
اشترته وحطته في شنطتها
وراحت مع امل علي محل كانت امل طالبه حاجات هتستلمها ودخلوا واستأذنت راندا انها تدخل الحمام
ودخلت
