رواية خدعتني بحبها بقلم سلمي تامر الجزء الاخير
ماما ياماما
جات سميحه بفزع من صوت سيف العالي ووقفت قدامه بثبات مصطنع
في ايه مالك
انت ازاي عملتي كده في حبيبة! ازاي قدرتي تقسي عليها بالشكل ده هي اذيتك في ايه
سميحه بسخرية
أذيتني في ايه! وهي لما تكسر قلبك قبل فرحك بكام يوم كده مأذتنيش
حاجه متخصكش واللي عملتيه ده ملوش مبرر ابدا انا بجد مصډوم مش قادر اصدق انك قدرتي تعملي حاجه زي كده بس عارفه مش انت عملتي فيها كده علشاني انا بقى هسيبلك البيت واسافر ولما بابا يرجع من السفر يبقى يتعامل معاكي
لأ ياسيف علشان خاطري متعملش فيا كده
تجاهلها سيف وكمل لم هدومه ومتجاهل كل الكلام اللي بتقوله نزل بشنطته وهي وراه بټعيط پعنف وندم لكن سيف قلبه محنش ليها وساب البيت ومشى وهو مقرر يبعد عن كل حاجه ويبدأ من الاول وجديد في بلد تانيه بعيد عن الكل
وصل بعد شويه كرم وحبيبة ومنار ولقوا سميحه قاعده على الارض پتبكي بحسره بصوا لبعض بإستغراب واول ما لمحتهم بصيت لحبيبه بكره وقربت وهي ناويه تضربها وبتتكلم بكره
منعها كرم من انها تقرب عليها وزقها پعنف لدرجه ان اختل توازنها
ابعدي عن مراتي ياست انت وقسما بالله لولا انك ست كان زماني عامل معاكي الواجب دلوقت
حبيبة بصتلها بكره واستحقار ووجهت كلامها لكرم
سيبك منها ياكرم دي بني آدمه مريضه ولما يرجع عمي هو اللي هيتصرف معاها
بص كرم لسميحه بإستحقار وشد ايد حبيبة واتجه ناحية اوضتها وبعد ما وصلوا كلمها بحنان
سميحه ست شړانيه وانا مش مآمن تقعدي معاها في بيت واحد بعد اللي عملته
طب هروح فين يعني ياكرم انا مبقتش حمل اللي بيحصلي ده والله العظيم تعبت
اڼفجرت في العياط بشده وخدها كرم في حضنه ومسد على شعرها بحنان
اهدي ياحبيبة انت لحد دلوقتي مراتي ومسئولة مني ومكانك هيبقى مكاني
بعدت عنه واتكلمت بنفي
لأ ياكرم مش عايزه ارجع معاك وسهيلة دي موجوده
بصتله حبيبة بتفكير
انت متأكد ياكرم ان مامتك مش هيكون عندها مشكله اني اقعد معاها فترة في بيتها بعد اللي
عملته يعني مش هيحصل مشاكل
قالتها حبيبة بقلق وتوتر وهي جنب كرم في عربيته ومتجهين ناحية البيت
يا بنتي ماما دي سكر اصلا واطيب حد ممكن تقابليه في حياتك ومستحيل تكون بتفكر بالطريقة دي
سكتت ورجعت تاني تفكر في حياتها الجايه بصيت لكرم بشرود وسرحت فيه وفي وملامحه الوسيمه وحسيت انها مطمنه وهي جنبه احساس الامان اللي فقدته بمۏت والدها رجعلها دلوقت بفضل كرم ووقوفه في ضهرها
لاحظ كرم انها بتراقبه علشان كده اتكلم بخبث
توقع انها هتتكسف مثلا او هترد بسخريه لكن فاجئته بردها اللي هز ثباته جدا
فوق ما تتخيل بحسك شبه ابطال المسلسلات التركي
بصلها كرم پصدمه وابتسم بخجل حبيبة لاحظته وضحكت بصوت عالي
انت بتتكسف ياكرم
مش لدرجة اتكسف يعني بس متوقعتش تمدحي فيا حبيبة الرشيدي اول مره تشكر في حد غير نفسها
ابتسمت بحزن على جملته
قصدك اني مغرورة ومتكبرة صح
وقف العربيه على جنب لما حس انها اتضايقت وبصلها واتكلم بجدية
عمري ما صدقت اللي بيتقال عليكي وانك متكبرة ومغرورة
