روايه حمزه ورهف بقلم ايه موسى

حاجة تنفع البشرية كلها يعني مثلا اكتشفت النهاردة إنك مش شخصية عادية ولا مجرد زوجة ولا صديقة ولا حبيبة لا الموضوع أكتر من كدا بكتير اكتشفت إني مهما روحت وجيت ومهما شوفت عيني عمرها ما هتشوف حد زيك.
يمكن الراجل دائما لما يجي يتجوز بيدور على واحدة تخليه مبسوط وتفرحه بس أنا كنت بدور على واحدة تقدر تشاركني حزني وأشاركها حزنها واحدة تكون ايديها حنينة في الحزن وبتعرف تهون وتواسي لحد ما لقيتك ولقيت معاك أيامي اللي كان نفسي أعيشها وأحققها أحلامي اللي كان نفسي ألمسها على أرض الواقع. 
أنا عايزك تسامحني يا رهف على أي حزن سببتهولك أو أي ۏجع كنت سبب فيه ليك واعرفي إني بحبك وإنك مش هتلاقي قلب يحبك زي قلب حمزة حتى لو لفيت بلاد العالم كله.
بس أنا مش محتاجة ألف العالم كله علشان أقارن قلبك بأي قلب تاني لأني واثقة إن قلبك لو اتحط في كفة فباقي الكفوف خسرانه. 
رفع ايدي وحبها وقال
الكيكة اتحرقت.
سحبت ايدي وطلعت اجري على الفرن ولقيت الكيكة اتحرقت فعلا طلعتها حطيتها قدامه على الطرابيزة وقولتله
شوف شغلك يا شيف. 
قام جاب طبق وسکينة وقطع قطعتين وصب الشاي بلبن ومسكني من ايدي ودخلنا البلاكونة. حطهم وقعد وقال
يلا علشان نفطر. 
بس الكيكة اتحرقت.
مش مهم المهم إنها معمولة بحب هتلاقي طعم الحب فيها ودا يكفي.
مر شهر وتلات أسابيع كنت دائما أدعي ربنا إنه يربط على قلبي وقلب حمزة بالصبر الدايم أنا حقيقي محزنتش إني مش هكون أم أنا حزنت على حمزة وحزنه اللي بيخبيه في عينيه دائما ومفكراني مش شايفاه. حمزة خد إجازة من شغله وقرر إننا نسافر أسبوع ننبسط ونغير جو وهو دلوقتي نايم فقررت أحضر الشنط لحد ما يصحى خلصت شنطتي أخدت الحاجات المهمة بس وفتحت شنطته وبدأ أحطله هدومه فيها لقيت الخزنة اللي دولابه مفتوحة روحت أقفلها بس لفت نظري ورقة جوانبها خضرا افتكرت علطول إن دا التحليل حمزة بقاله فترة مش بيفتح دولابه وأنا اللي بحضرله لبسه فقررت أخفي الورقة دي علشان ميحزنش لما يشوفها سحبتها فعلا بس اټصدمت لما لقيت اسمي عليها سندت على الدولاب وفتحتها ولقيت النتيجة إني أنا اللي مبخلفش زي ما والدته كانت شاكه! 
فتحت بؤقي بذهول وافتكرت إني أنا وحمزة كان مطلوب مننا تحليل! وإني مقرأتش نتيجة تحليله! 
أخدت الورقة وقعدت جنبه على السرير أبصله وهو نايم هو عمل كل دا علشاني! علشان ميخلنيش أحس بالنقص والحزن هو ضحى بكيان نفسه قدام والدته والناس علشاني! 
فتح عيونه وابتسم فرفعت الورقة قدامه فقام قعد بسرعة وبص للدولاب المفتوح وكنت لسه هتكلم حط ايده على بؤقي وقال 
أنا غبي غبي إني مولعتش فيها أقسملك بالله يا رهف الموضوع ما هو فارق معايا نهائي وأنت
عارفه إني مبحلفش
كڈب أنا بس خاېف على مشاعرك لأني عارف أنت قد إيه حساسة وأقل حاجة بتأثر في نفسيتك والله العظيم والله العظيم أنا بحبك وخاېف عليك والله يا رهف مش فارق معايا وجود أطفال ولا غيره طول ما أنت جنبي وجودك جنبي بالدنيا بكل ما فيها.
عيطت ودموعي نزلت على كفه على بؤقي شال ايده ومسح دموعي حاولت أتكلم بصعوبة
أنا...
قاطعني وهز رأسه بنفي وقال
متقوليش حاجة أنا عايزك تفضلي عارفه إني أنا اللي مبخلفش قدام أمي وأهلي كلهم وأهلك والعالم كله أنا اللي محتاجك جنبي أنا اللي وجودي ناقص من غيرك..أنا من غيرك ولا حاجة.
كنت لسه هرد مش عارفه هقول إيه الكلام كان هيطلع مش مترتب بس وقفني وقال
بالله عليك يا رهف.
هزيت برأسي بموافقة وسكت.
شال الشنط وحطها في العربية ونزلنا.
المشوار طويل عليك يا حمزة. 
بصلي بصة مطولة وحسيت إنه فهم اللي برمي إليه فابتسم وقال
أنا موافق على مشواري وطريقي اللي اختارته موافق بكل رحابة صدر.
هتتعب.
طالما أنت معايا مفيش تعب. 
ساق العربية بهدوء وأنا سندت رأسي على الشباك وابتسمت فلقيته بيقول
مليش نصيب في الابتسامة! 
أنت صاحب الابتسامة.
وصلنا بعد ساعات من السواقة اللي كنا بنتناقش فيها في حاجات كتير أول ما نزلنا كان البحر قدامنا فقال
النهاردة الخميس.
والبحر كمان! 
أخدنا الكاست وقعدنا على البحر وسندت رأسي على كتف حمزة واشتغلت قصيدة الخميس
أحبك...
لا مصادفة هناك
ولا ابتسامة حظ
قطعنا
رحلة المعنى
ولم نسكر
بخمر اللفظ
إذن
لا بد من فرح
وإن طال الزمان الفظ
آية_موسى