روايه عمار وتولين مكتمله جميع الفصول
وسط الظلام..انا بحبك يا اول واحد احبه وهيبقى أخر واحد سواء كانت الدنيا ادتلي فرصة ولا لا.. عشان كده مش هبقى انانية ولو م ت
مش هيحصل
قلت متقاطعش الممرضة زمانها جاية سيبني اكمل عشان خاطري
هزيت راسي بمعنى كملي وهي اتنهدت بتعب وقالت
لو جرالي حاجة عيش حياتك اياك توقف حياتك عليا اتجوز وخلف وانا هبقى سعيدة عشانك وانا واثقة انك هتبقى احلى زوج واب في الدنيا اوعدني انك هتعيش بعدي عادي
هيجي يوم وهتقابل واحدة وانا كده كده هبقى راضية متقلقش
بطلي كلامك ده!!
مش ناوي تسمعهالي للمرة الاخيرة
قلت هقولها بعد العملية وهتسمعيها
تعرف لو كنت حلالي كنت حضنتك
كمان 3 ايام هتبقي حلالي يا ضوء قمري
ابتسمت هي على لقبها اللي بقولها بيه دايما وقاطع كلامنا دخول الممرضة وهي بتاخد تولين قدام عيني بصت ليها وحفرت ملامحها في قلبي قبل عقلي وهي ابتسمتلي وراحت غرفة العمليات
عمار!! في ايه
انا بحبك يا تولين
واقف مصډوم اللي يشوفوني يقولوا ان خلاص هعيط لكن الدموع اتحجرت في عيني مبتنزلش مهما حاولت.. مبتكلمش.. مش عامل اي رد فعل.. ساكت وبس ببص على كفنها اللي بيتدفن وانا لسة بستوعب ان دي هي اساسا كنت عارف انها ھتموت ومع ذلك كنت بنكر ومش راضي اصدق يمكن لو مكنتش اعرف انها ھتموت كان الموضوع هيبقى اهون مش عارف
البقاء لله ربنا يصبرك يا ابني هي في مكان احسن
لقيت الكل مشي ومفضلش غيري بجانب قپرها جاتلي لحظة ادراك للمرة الاخيرة ان الفرق مابينا دلوقتي تراب! قريتلها الفاتحة وقومت والشيخ كان بيبصلي بشققة اتنهدت وقومت بعدت عن المكان كله ركبت العربية افتكرت اخر كلام ما بينا عيطت كتير ونفذت وصيتها بالفعل
بعد 10 سنين
نزلت من العربية قدام ملجأ ضوء القمر ابتسمت بقالي شهر مروحتش ليه بسبب شغلي اول لما وصلت الاطفال اتجمعت
