روايه زين وروح مكتمله جميع الفصول

يارا هيصونك وعمره مهيزهق منك اتأكدت من ده النهارده لأني شوفت حبه ليكي اياكي تخسريه بتصرفاتك هتندمي
مشيت وسابتني وانا في الدوامة مش عارفة احدد اعمل ايه مستحملتش استنى انه يرن عليا زي كل مرة ورنيت انا
الو يا يارا انت كويسة
قلتله بدموع شكرا يا زين
على ايه يا مچنونة استني افتكر.. على الحلويات اللي جبتها مثلا عارف انك بتحبي الحلويات الشرقية عشان كده جبتها
شكرا على اليوم كله
يارا انت كويسة بجد
هو انت شوفت تشنجاتي و..لما ازرق صح يعني.. بجد.. ازاي هتستحملني
هستحمل اي حاجة طلما منك انت يا شقرا
زين مبهزرش
ولا انا كمان بهزر.. انت حاجة كبيرة اوي عندي متخيلتش اني هوصلها في يوم من الايام.. انت حلمي يا يارا ف ايوا هستحمل اي حاجة لان اي حاجة بتيجي منك حلوة
بس انا هفضل معاك طول العمر هي مش لعبة.. زين افهمني ارجوك.. انت هيتفرض عليك تبقى جمبي دايما عشان لو حصلي حاجة هتبقى مضطر تجيبلي ادوية دايما ونروح للدكتور مش هعرف اخرج في حتة الا وانا معاك هعطلك عن كل ده حتى لازم تبقى ماسك ايدي وانا نازلة السلم عشان التوازن ومقعش فاهمني انا خاېفة تزهق او تمل وانا اللي اتجرح في الاخر.
خلصتي
ايوا يعتبر
اولا انا فاهمك كويس يا يارا ثانيا انا مش هيتفرض عليا حاجة ولو هعمل ده هعمله من نابع خۏفي عليكي 
و ثالثا ايوا هروح معاكي للدكتور وهجيبلك ادوية دايما مش عشان هبقى مضطر عشان اشاركك بكل تفاصيلك.. انا واجبي اشاركك اللحظات الحلوة والمرة وانت كمان هتشاركيني ده احنا هنبقى مع بعض طول العمر لازم نشارك ونتنازل عشان نكمل رابعا بقى يا سلام ده انا هبقى مستمتع وانا ماسك ايديكي ونازلين السلم ده هيبقى احلى حاجة ده انت شايفاه عيب ازاي ده
ضحكت على كلامه اللي قادر يخرجني من اي مود حزين وعيني دمعت بس المرة دي من الفرحة انه في حياتي وقلت
خامسا بقا
خامسا انا عمري ما هسيبك وانا دايما هبقى في ضهرك وسندك لأني بحبك اوي يا يارا
وانا كمان
ايهه!!
ايه
قولتي ايه
مقولتش حاجة
لا متستهبليش قولتي ولو مقولتليش قولتي ايه هجيلك حالا نشوف الحوار ده واكل من الحلويات اللي جبتها كلها ومش هسيبلك حتة
خلاص خلاص هقول كله الا الحلويات.. انا بحبك اوي يا زين
وانا بعشقك يا روح زين
________________بقلم هنا
محمد__________
بعد مرور سنة
زين اصحى
في ايه
هي ايه النوتة دي
نوتة ايه ايه ده هاتيها
استنى يعم قريتها خلاص ده انت كاتب فيها كل تفاصيلي
اتفضحت انا كده يعني
يارا محمد عبد السلام عندها 22 سنة.. اسامي دكاترة يارا.. مواعيد ادوية يارا.. اكلات يارا المفضلة.. افلام الشقرا المفضلة.. مميزات وعيوب يارا.. ايه الضحك ده يا زين
من طبعي وانا بكتب عن اي حد معلوماته اعمل ايه يعني
لا وانا واضح ان انا اللي اهم
منهم كلهم ده انت