روايه اليتميه متكامله جميع الفصول
انا ست عندى بنتين وجارتنا اللى تحتينا كانت عايشة هى وبنتها فحالهم لحد ماجه يوم والام توفت وقبل ماتموت قالتلى خدى بالك من بنتى اخدتها وكام عندها ١٠ سنين وعاشت معانا انا وبناتى وجوزى والبنت ماشاء الله مؤدبة وهادية وجميلة وشاطرة جدا فى التعليم ودايما بتطلع الأول بدأت بناتى واحدة منها اكبر بسنة وواحدة بسنتين لاحظت انهم ابتدو يغيرو منها فى كل حاجة ولإن البنت جميلة ماشاء الله جمالها ملفت بدأ يجيلها عرسان وهى عندها ١٦ سنة وطبعا كنا بنرفض لانها لسه صغيرة بتقولى يماما انا نفسى ادخل كلية طب وعندها طموح لكن بناتى على قدهم خالص فى التعليم وابوهم كل مايلاقى البنت دى طالعة الاول يقعد يهزق فيهم ويقولهم بقى اليتيمة تطلع الاول وبناتى ينجحو بالعافية والبنت بتسمع كدة وبحسها زعلت لكن مابتقولش لحد ماجابت مجموع كبير فى ثانوى يدخلها طب طبعا جوزى رفض قال هصرف دا كله منين وادخلى كلية عادية زى اخواتك انا مش حمل المصاريف دى البنت اتفلقت من العياط وقالتلى دا حلمى اللى تعبت علشانه يماما لو حد من بناتك كان جاب الكلية دى كان بابا قال كدة بردو؟ وقعدت اهون عليها بعدين راحت اتكلمت مع جوزى وقالتله انا هطلع اشتغل واصرف على نفسى بس ماتحرمنيش من انى ادخلها قالها هتوفقى ازاى دى كلية صعبة والآخر رفض وبعدها باسبوعين جالها عريس تعليم متوسط وعلى قد حالهم رغم اتقدملها ناس احسن بكتير فقالى ايه رأيك نجوزها لفولان الست مالهاش الا بيت جوزها قولتله لسه صغيرة قالى الناس دى غلابة وعلى قدهم ومش هيطلبو حجات كتير واهو نبقى سترناها عرضت عليها الموضوع رفضت وقعدت ټعيط فجوزى قالها لو ماوافقتيش هنرميكى فأى دار رعاية انتى شايفة نفسك على ايه انتى تحمدى ربنا انك لاقية بيت يأويكى فالبنا اتكسفت وسكتت ومااتكلمتش لحد ما جه العريس لقيناها طالعة قالتلهم انا مش عايزة اتجوز دلوقتى ومش هوافق بالجوازة دى طبعا الناس اتكسفو ومشيو لكن جوزى ماسكتش بهدلها وهزقها وخد قرار انها مش هتقعد فى البيت وهيوديها دار رعاية والبنت تمسك فيا وتقول والنبى ياماما ماتسبنيش لكن انا م بإديا حاجة وفى الاخر جوزى قالى لالى تعتذر للناس وتوافق عالعريس لالى هوديها دار الرعاية وانا قولتلها وافقى اهو عالأقل تلاقى حد يجهزك ويدخل عليكى فى بيت جوزك فقالتلى خلاص ياماما انا موافقة واتخطبت ليه لكن بعدها البنت حستها اتطفت مابقتش بتتكلم كتير ولا بقت بتضحك وعلى طول فى اوضتها مابتقعدش معانا كتير وطبعا قعدت من التعليم وبناتى دلوقتى فى جامعات وكل ماافتح الموضوع مع جوزى يقولى انا كتر خيرى انى جبتها تعيش معانا وانه مش ملزم يصرف عليها
وكويس انه هيجوزها فاانتو رأيكم الحق فعلا مع جوزى زى مابيقول ولا ظلمها انا هوريه التعليقات
