روايه بعد الخداع متكامله جميع الفصول بقلم اماني السيد
التواصل.
البارت الثاني
فضل ماهر ماسك الورقة وهو متضايق حاسس انه اتسرع وبيكلم نفسه انه كان ممكن يجبهالها بطريقة أفضل كان ممكن يختلق معاها مشاكل وبعدين يطلقها مش مره واحده يفاجاها انه كان بيحب اختها وانه عايز يطلقها عشان يتجوز اختها اللى سابته زمان ولما حبت ترجعله تانى ماصدق بعاها ورجع تانى لحبه القديم
طيب انا مالك وحشنى عايز اشوفه اعمل ايه هى اكيد مش هتمنعنى عن ابنى دخل اخد شاور وقرر انه يسيبها كام يوم تهدى وبعدين يروح يشوف ابنه
عدا كذا يوم ودينا كانت مشغوله الصبح فى المستشفى وبعد الضهر فى البيت مع ابنها بتزاكرله وتشوف طلباته ووجود والدتها فرق معاها كتير لانها كانت بدعمها وده سبب انها مابقتش حزينه ولا بتفكر زى الاول في طليقها
تانى يوم فى المستشفى كان في حاله اخت شخصية مهمه كانت فى حاډثه وعملت عمليه ومحتاجة دكتوره علاج طبيعي تتابع معاها عشان تقدر تمشي مره تانيه
اخو المړيضة فى الاول اعترض عشان هى لسه متعينه جديد ومعندهاش خبره كبيره لانها قاعدت فتره من غير شغل لكن مدير المستشفى اقنعه انها دكتوره ممتازه ودايما عندها حماس فى شغلها بيخليها تعمل نتايج مبهرة فى الشغل
سيلا المړيضة خلاص بقى يا بيبرس خلينا نجربها
بيبرس هو انتى فار تجارب
الدكتور كلام الانسه سيلا صح انا هبعت اناديها
دخلت دينا وعرفت نفسها واخدت الملف بتاع سيلا وكشفت عليها وبدات تتكلم معاهم فى خطه العلاج وازاى هتم
سيلا تمام يا دكتوره انا موافقه بس ياريت نبدأ من انهارده
بيبرس ايه يا دكتور هو احنا اللى هنيجى كمان على معاد الدكتوره
سيلا قاطعته انا موافقه يا دكتوره من بكره هاجى الساعه ١١ حلو كده
بيبرس سيلا انتى مش مجبرة على معاد معين
هنا دينا بصيتله ورجعت غيرت وشها تانى وتجاهلته هى كده كده تعاملها بعد كده هيكون مع اخته مش معاه فقررت ماتتكلمش معاه
دينا لسيلا خلاص اتفقنا حبيبتي انا هعمل مكالمه استاذن ماما انى هتاخر واجى نبدا على طول عشان متقلقش لان معاد خروجى كان من نص ساعه
اتصلت دينا بمامتها وعرفتها ظروف شغلها ومامتها طمنتها انها اكلت ابنها وبتزاكرله وتتاخر براحتها
اخدت دينا سيلا غرفه العلاج الطبيعي وبدأت معاها العلاج
فى البيت عند والده سيلا وصل ماهر وخبط على الباب وفتحتله والده دينا سناء
سناء خير فى حاجة
ماهر جاى اقابل دينا محتاج اتكلم معاها
سناء وعايزها فى ايه
ماهر اديها ورقة طلاقها واحدد معاها هقابل مالك
