روايه الحب الخالد مكتمله جميع الفصول
يرمقها بنظرات غيظ من هيئتها
ملككك
خضتنى يا ابيه فيه ايه
انا مش قلت الف مره الطرحه دى تدارى شعرك والبنطلون ده ميتلبسش تااانى
وانا بحب البس البنطلون ده ومبرتاحش فى لفة الطرحه العاديه
وده إلى هتقوليه لربنا يوم الحساب
نظرت اليه وهى لا تعرف الرد فقد اسكتها
انتى لسه واقفه اطلعي يلااا شوفى مذاكرتك ومشوفش وشك تحت ..يلااا
تذمرت وهمت بالصعود وهى تتأفف بعصبيه
كل شويه واقفلى زى السد متعمليش ده ومتلبسيش ده هو انت كنت اشترتنى
وطى صوتك والا بالله هطلعلك اوطيه بنفسي
فزعت حين سمعت صوته الغاضب وركضت لتدخل المنزل
وأغلقت الباب بقوة
مش قولتلك هيرجعك تانى انتى الى مبتسمعيش الكلام
يلا غيرى مش كنتى عايزه تخليه يغير
2
لا لسه برضه محستش انه بيغير عليا حاسه كأنى بنته وده أمر مقاليش متلبسيش ده عشان انا بغير عليكى يا ملك او انا مش عايز حد يشوفك غيرى يا ملك مقالش حاجه خالص
انتى هتقعدى تكلمى نفسك طول النهار يلا قومى ساعديني فى الغدا وانزلى هاتى الطلبات من تحت
حاضر حاضر اووف
ذهبت لغرفتها لتغير ملابسها وتلبس ملابس مريحه وترتب حجابها جيدا ولكن قاطعها صوت الطرق على الباب فذهبت لتفتحه وكان هو معذب قلبها
اخذتهم بتردد
ع..عرفت منين الطلبات
عارفك لما بتتعصبى بتنسي نفسك ورقة الطلبات وقعت منك على السلم
اخذت منه الأكياس بحرج
احم..شكرا
العفو..شوفتى بقيتي احلى كده ازاى خليكى كده علطول الجنه تستاهل تتعبي عشانها
علفكره انا بخاف من ربنا وبخاف اغضبه منى وعارفه ان الجنه تستاهل
ح حاضر
مين يا ملك
ده خالد يا ماما
تعالى يا حبيبي..انت جبت الطلبات كتر خيرك كنت عايزاهم ضرورى كنت عارفه ان الموكوسه دى مش هتجبهم ادخل
ماما الله
بعد كده لو احتاجت حاجه اندهى عليا وسيبى ملك تذاكر
يا ماما بس بقى الله
رمقها بابتسامه على عصبيتها الطفوليه
لا ملك شاطره وقدها وبكره تجيب مجموع حلو ويفرحنا
يسمع من بوقك ربنا يا ابنى المهم انت هتتغدى معانا النهارده مش عايزه لا
هو انا كنت ناوي اصلا اصل الطلبات دى بتقول ان فيه محشى هه
لا كده انا جاى هخلص شوية شغل فى المحل تحت وهاجى
تنور يا حبيبي
نزل خالد وعيون ملك تتابعه ونظرت لوالدتها پغضب
يلا يا بت يا ملك عشان تساعديني على اما ابن خالتك يخلص ويطلع
يا ماما كان لازم تعزميه النهارده كنتى اعزميه وانا فى الدرس هيقعد بقى ينظر عليا فى المذاكره وفى الاكل والشرب اووف
ابن خالتك وخاېف عليكى وعايزك تذاكري
كان لازم تقوليله على التليفون هيجى يا خده منى
احسن عشان تركزي فى مذاكرتك
اووف بقى انتى وهو عليا ..انا راحه لخالتي ها واتغدى انتى وهو لو حدكم
بت يا ملك انتى يا بنت
همت بالنزول إلى منزل خالتها التى تسكن اسفلهم وقامت خالتها بفتح الباب لها
مالك يا بت يا ملك متضايقه ليه
مش عارفه الاقيها من اختك ولا من خالد ابنك
مالهم عاملين فيكى ايه بس
عمالين يضغطوا عليا وانا زهقت وهنفجر
ههه طب اهدى بس وروقى كده انا عامله كيكه بالبرتقال اجبلك
لا خليها بعد الغدا خالد هيتغدى عندنا تعالى اتغدى معاه
يبقى امك طابخه محشى طالما خالد هيتغدى
ايوه عامله محشى
انا صايمه النهارده الاتنين ها احكيلي بقى مزعلينك فى ايه
انا زهقت من التلميح لابنك وهو زى الحيط مفيش احساس
يا بت يا مفعوصه لما تخلصي ثانوى الأول
