روايه عائشه و حمزه مكتمله جميع الفصول بقلم مني ايهاب ناجي
وقف ف عرفت ان حمزه فتحلهم سمعته بيقولهم اني جوه بلبس وهطلع هو ازاي بيكدب بالسهوله دي مش عارفه حقيقي!
لبست وخرجت لقيت اهلي واهله بيسلمو علينا ويتطمنو علينا قعدت معاهم وبعد شويه مشيو.
حمزه دخل اوضته تاني وبقيت لوحدي قومت عملت اكل صعب عليا انه مكلش من امبارح فعملت حسابه معايا فالأكل خبطت علي اوضته ومردش فتحت لقيته نايم ندهت عليه ومردش ف قعدت قدامه و بدأت اخبطه فكتفه بهدوء علشان يفوق فتح عينه وبصلي وابتسم ابتسامه يمكن اول مره اشوفه بيبتسمها ابتسامه كلها حب ودفا.
عائشه احنا بقينا العشا وانت مكلتش ف جيت اصحيك عشان تاكل.
حمزه تمام اتفضلي وهاجي وراكي.
عائشهتمام.
طلعت وهو جه ورايا بعد دقايق .
حمزه انا شبعت تسلم ايدك انا هدخل اوضتي.
عائشه ممكن تقعد نتكلم شويه
حمزه اتفضلي
عائشه انا عارفه انك مجبور عليا ويمكن مش حابب اني اكون مراتك وان يكون ليها مستقبل سوا بس ممكن متعاملنيش بالجفا دي ممكن حتي نكون صحاب انا مش بطلب منك كتير يعني.
حمزه لو انتي عايزه نبقي صحاب عشان تمشي الدنيا لحد مانتطلق تمام لكن لو حاطه فدماغك ان ممكن احبك او اكمل حياتي معاكي يبقي انسي.
اتكلمت بكل ذرة شجاعه جويا.
عائشه انا مطلبتش منك تحبني ولا قولتلك اني ھموت واعيش حياتي معاك وان كان علي اننا نبقي صحاب ف بطريقتك دي انا مش عايزه حاجه دلوقتي غير اننا نتطلق وعلي ما اعتقد مفيش كلام تاني يتقال انا هدخل اوضتي.
هو ايه قاسې كدا انا اهلي ڠصبوني زي ماغصبوه وملوش الحق انه يهيني بالشكل دا.
نمت معرفش امتي ولا نمت قد اي صحيت عملت اكل وخبطت علي باب اوضته وسيبت اكل له علي الترابيزه ودخلت اوضتي قبل حتي ما يشوف وشي .
عدا ٥ اسابيع محدش فينا كان بيكلم التاني او بيشوفه بس منكرش ان بدأت مشاعري تتغير من ناحيته مش عارفه ازاي ولا حصل دا امتي بس يمكن عشان ابتسامته بعد كل مره بحطله فيها الاكل او انتظاره فنفس المعاد ورا الباب عشان يطلع ياكل احنا اه مكناش بنتكلم ولا بنشوف بعض بس انا كنت بختلس بعض النظرات كدا يعني وحقيقي مش عارفه بعمل كدا ليه.
انهارده انا لازم اكسر الحاجز اللي بيننا ونتكلم مهما
