روايه عائشه و حمزه مكتمله جميع الفصول بقلم مني ايهاب ناجي

الاسكريبت كامل اهو
عائشه مش هتجوزه ياجماعه هو بالعافيه.
ماما يابنتي الولد محترم وابن صاحب ابوكي والواد شاريكي.
عائشه ياجماعه انتو عايزين تخلصو مني وخلاص انا مش عاوزه اتجوز دلوقتي.
ماما بصي يابت انتي انا غلبت معاكي احنا اديناهم كلمه ومش هنصغر ابوكي وهتقابليه ورجلك فوق رقبتك.
مشيت وسابتني مع دموعي هما ازاي بيغصبو عليا كدا هو هما اللي هيتجوزو ولا انا وبعدين حمزه دا كله بيقول عليه انه قاسې وقلبه حجر ليه يرموني كدا يعني .

قومت اتوضيت وصليت ودا هدي روحي شويه ونمت.
ماما يلا ياعائشه قومي عشان كلها ساعات وعريسك هيوصل .
عائشه حاضر ياماما.
انا حتي مش قادره اناقشها ولا ارفض اللي بتقوله حاسه كأن تقل الدنيا كله علي قلبي رنت فودني جمله قل لن يصيبنا إلا ماكتبه الله لنا مش عارفه ليه جت فبالي واشمعنا دلوقتي كأن ربنا بيطمني وبيقولي اللي مكتوبلك هيحصل.
قومت لبست وحتي مبصتش لنفسي مكنتش مهتمه بنفسي كانت الاحداث دي بالنسبالي كابوس واتمني افوق منه قريب.
ماما وصلو يا عائشه وقاعدين مع ابوكي انا هدخل وانتي تعالي ورايا بالعصير .
عائشه حاضر ياماما.
دخلت بعدها وسلمت علي اهله كان شكلهم ناس لطيفه كان قاعد بتكلم مع بابا ومبيبصش نحيتي وكأني مش موجوده ودا خلاص عايزه اقوم اضربه بالقلم والله.
ماما طيب يلا ياجماعه نطلع ونسيب العرايس مع بعض.
و فثانيه كنا قاعدين لوحدنا فالأوضه ابتسامته اللي كان راسمها علي وشه طول القاعده اختفت بصلي نظره غريبه بس تخوف هو ليه بيبصلي كدا!
حمزه بصي يا انسه عائشه انا جاي عشان ارضي ابويا وعلي ما اعتقد ان انتي كمان كدا ف احنا هنتجوز ٥ شهور وانا مش هقربلك وبعدين نتطلق موافقه.
كنت بصاله پصدمه هو اي اللي بيقولو دا هو ميعرفش انه حرام .
رديت عليه پصدمه لا مش موافقه انا هرفض وكل شئ قسمه ونصيب اللي بتقولو دا حرام وانا مش موافقه اغضب ربنا عشانك.
حمزه بضيق تمام اعتبري كل اللي قولته كان وهم واني مقولتوش وانا عن نفسي موافق ومستني ردك.
عائشه تمام ردي هيوصل مع والدتي.
مش عارفه ازاي كنت بتكلم بالجرأه دي وازاي محكيتش لأهلي علي اللي حصل! وليه قال كدا وبعدين سحب كلام يكون دا اختبار مليون سؤال ومفيش ولا جواب 
قومت اتوضيت وصليت استخاره ونمت
كنت بحلم اني ف مكان كبير ضلمه مفيش فيه غيري وانا خاېفه وعماله ادور علي اي حد لحد ماشوفت شاب قاعد بيبكي جامد علي الارض رفع راسه وشافني جري وحضني كأنه كان قاعد خاېف ومصدق لقاني والغريب ان الشاب دا حمزه!
قومت مفزوعه من الحلم بس مستغراباه فنفس الوقت هو ممكن تكون اشاره اني اوافق!
ماما عائشه والد حمزه عايز يعرف رأيك اقولهم اي
عائشه قوليلهم اني موافقه ياماما.
ماما كنت عارفه ياحبيبتي والله ربنا يتمملكو علي خير